Nagtipon ang mga opisyales sang nagkalain-lain nga barangay sa banwa sang Sara para sa isa ka pagpahibalo kag pagpatin-aw parte sa serbisyo nga dala sang Social Service System On-Wheels, Mayo 28, 2026.
Kalakip sa ginpahayag sa aktibidad ang serbisyo pareho sang membership registration, contribution inquiries, benefits applications, loan services, kag iban pa nga transaksyon nga ginahatag sang Social Security System ukon SSS.
Ini nga tikang ginkalipay gid ni Municipal Mayor Hon. Jon N. Aying bangud dako ini nga bulig sa pumuluyo sang Sara ilabi na sa mga nagapanginahanglan sang serbisyo sang SSS nga antes nagakadto pa sa iban nga banwa ukon siyudad para lamang makatransaksyon.
Suno kay Mayor Aying, isa ini ka importante nga tikang para mapalapit ang serbisyo sang gobyerno sa katawhan kag mapadasig ang pagserbisyo sa publiko.
Para sa aton nga ihibalo, sang nagligad nga Mayo 6, 2026, gin-anunsyo ang plano para sa proposed SSS Sara Service Office nga nagalayon nga mapalapnag pa gid ang serbisyo sang ahensya sa banwa sang Sara kag sa mga nagkalapit nga komunidad.
Nagpahayag man sang suporta ang mga barangay officials sa nasambit nga proyekto kag nagalaum nga ini mangin dako nga benepisyo sa mga empleyado, mangunguma, negosyante, kag ordinaryo nga pumuluyo sang banwa.
