Napuno sang ritmo, kaanyag, kag talento ang entablado sang ginhiwat nga RHYTHMIX: The Ultimate Dancesport Showdown sang Hunyo 20, 2026 bilang kabahin sang pagsaulog sang ika-25 nga Sulay Basya Festival sa banwa sang Sara.
Nagtipon ang mga mahilig magsaot, pamilya, kag mga manugpalakpak agud saksihan ang makabibihag nga pasundayag sang mga pares nga nagkompetensya sa Open Amateur Category, nga nagpakita sang ila mastery sa dancesport pinaagi sa disiplina, koordinasyon, kag talento.
Ginkilala bilang Champion sanday Gellour Vinz E. Delfin kag Leanne Reigh D. Lanceta matapos ang ila makabibihag nga performance nga nakapabilib sa mga hurado kag sa mga tumalan-aw. Nag-angkon naman sang 1st Runner-Up sanday Ma. Victoria D. Cruz kag Andrei M. Villanueva, samtang 2nd Runner-Up sanday Carlos Miguel M. Bernabe kag Dana Angelica G. Galfo. Nakabaton sang 3rd Runner-Up nga titulo sanday Klynne Joseph F. Castigador kag Zoe Alexandria D. Lanceta, samtang 4th Runner-Up sanday Francis Cesar T. Mateo kag Margareth W. Saba, kag 5th Runner-Up sanday Hanna Catherine J. Boluso kag Japhet B. Lacuarta.
Ang RHYTHMIX: The Ultimate Dancesport Showdown isa sa mga tampok nga aktibidad sang 25th Sulay Basya Festival, nga nagahatag sang entablado sa mga talentado nga manugsayaw agud mapakita ang ila abilidad kag mapalapnag ang gugma sa pagsaot kag sining.
Pinaagi sa sini nga kompetisyon, ginpakita sang mga partisipante nga ang pagsaot indi lamang porma sang kalingawan kundi isa man ka paagi sang paghiliusa, pagpadayag sang talento, kag pagpalig-on sang kultura sang pagkamamugnaon sa komunidad.
Event Organizer: Ms. Shane Marie Propetiado
PHOTOS: Republik Works Production