Gin-imbitar ang Municipality of Sara sa awarding ceremony sang PRO6 Project RTT 3389 (Restrict, Track, and Turn-in), isa ka community-based initiative sang Police Regional Office 6 nga nagatutok sa pagsolbar sang problema sang loose firearms sa rehiyon.
Ang aktibidad ginhiwat sang Oktubre 7, 2026, alas-10:00 sang aga sa Municipal Gymnasium, Brgy. Poblacion, Barotac Viejo, Iloilo, agud kilalahon kag pasalamatan ang mga local government units kag community partners nga naghatag sang suporta kag kooperasyon sa implementasyon sang proyekto.
Pinaagi sa ginpatigayon nga inisyatibo, ginpalig-on ang pagbinuligay sang PNP, Local Chief Executives, barangay officials kag komunidad sa pag-atubang sang paglapta sang loose firearms kag sa pagpalambo sang mas malinong kag mas luwas nga probinsya sang Iloilo.
