Opisyal nga ginbuksan subong nga adlaw ang Sara Municipal Sports Meet 2026, nga nagtipon sang mga batang atleta kag mga delegado halin sa nagkalain-lain nga eskwelahan kag grupo sa banwa sang Sara, Agosto 7, 2026.
Ang Municipal Sports Meet isa ka importante nga inisyatibo sa pagpalambo sang isports kag paghatag sang mas madamo nga oportunidad sa mga kabataan nga mapakita ang ila talento, abilidad kag potensyal sa isports.
Gina-emphasize man sa sini nga aktibidad ang importansya sang disiplina, teamwork, sportsmanship, kag respeto, nga mga prinsipyo nga makabulig indi lamang sa sulod sang kompetisyon kundi pati man sa paghulma sang mga kabataan bilang responsable kag mabakod nga mga lider sang palaabuton.
Samtang nagapadayon ang mga kompetesyon, ginapalab-ot man ang pagpasalamat ni Mayor Aying sa aktibo nga partisipasyon sang mga atleta, coaches, teachers, ginikanan kag supporters.
Sa idalom sang LGU-Sara, padayon ang pagpalig-on sang mga programa nga nagahatag sang oportunidad sa kabataan nga mapalambo ang ila talento, abilidad kag karakter pinaagi sa sports.
SARA GUGMA KO!
: