Opisyal na nga nag-umpisa sang ila trabaho ang mga benepisyaryo sang Special Program Employment for Students (SPES), Provincial Internship Program (PIP), kag Short-Term Employment Program (STEP) sa Banwa sang Sara bilang kabahin sang mga programa nga nagatuyo sa paghatag sang oportunidad sa mga estudyante kag job seekers nga makabaton sang temporaryo nga empleyo kag makatigayon sang praktikal nga eksperyensya sa pagtrabaho sa gobyerno, Hunyo 15, 2026.
Antes ang ila deployment, ginpatigayon ang isa ka orientation agud mapahibalo sa ila ang ila mga responsibilidad, mga responsibilidad sa opisina, kag ang importansya sang pagpakita sang disiplina, integridad, kag dedikasyon sa ila tagsa ka trabaho.
Ang mga benepisyaryo gin-assign sa nagkalain-lain nga opisina sang Lokal nga Panguluhan sang Sara agud magbulig sa pagpatuman sang mga serbisyo publiko samtang nagatipon sang importante nga ihibalo kag eksperyensya nga ila magamit sa palaabuton.
Padayon nga ginapabaskog sang LGU-Sara ang mga inisyatibo nga nagaalalay sa pagpauswag sang pangabuhi sang mga Kabataang-Saranhon pinaagi sa mga programa nga nagahatag sang trabaho, kasanag, kag inspirasyon para sa mas mabaskog nga palaabuton.
