Pormal nga ginbuksan ang Basketball League Cup 2026 sa banwa sang Sara nga ginpangunahan ni Mayor Jon N. Aying upod kay Vice Mayor Ryan S. Zerrudo, SK Fed. Pres. Brix Bondoc, mga miyembro sang Sangguniang Bayan, Punong Barangay kag Sangguniang Kabataan sa banwa.
Gintambongan man ini sang madamo nga pamatan-on nga aktibo nga nagahampang sa isports pareho sang volleyball kag basketball, nga nagpakita sang ila talento kag dedikasyon sa sports.
Ang nasambit nga aktibidad nagatuyo nga mapalambo ang abilidad sang kabataan kag mapabakod ang paghili-usa sa komunidad.
Sa mga mensahe sang aton mga opisyales, ginpabutyag sang mga lider ang ila suporta sa mga programa nga naga-engganyo sang healthy lifestyle kag disiplina sa kabataan. Gin-encourage man ang tanan nga mangin ehemplo sang sportsmanship kag respeto sa sulod kag guwa sang court.
Ang pagbukas sang liga ginlakipan sang ceremonial toss kag presentasyon sang mga naglain-lain nga teams.