Naghiliusa ang Lokal nga Panguluhan sang Sara sa pagsaulog sang 48th National Disability Rights Week subong nga Hulyo 23, 2026, agud padayon nga mapalig-on ang pagrespeto sa kinamatarung kag patas nga partisipasyon sang mga Persons with Disabilities (PWDs) sa komunidad.
Ang ini nga selebrasyon ginpatigayon suno sa Proclamation No. 597, s. 2024, nga nagapadasig sa pagpanalipod sang mga kinamatarung sang mga PWD. Gindumalahan ini sang tema nga “Rights First, Legislation Forward – Strategic Action for Equal Participation and Inclusive Development.”
Bilang kabahin sang programa, naghatag sang makahulugan nga mensahe si PhilHealth Yakap Resource Speaker Reno P. Basa, nga nagpalig-on sang importansya sang inklusibo nga pag-uswag kag patas nga pagtratar sa tanan.
Nagpasadya man sang selebrasyon ang Dance Craze Contest, nga nagpakita sang talento kag pagbinuligay sang mga partisipante kon sa diin nag Champion ang District 6, samtang 1st Runner-up ang District 2 kag 2nd Runner-up ang District 8.
Pinaagi sa sini nga selebrasyon, ginpadayon sang LGU Sara ang iya pagpakigbahin sa paghimo sang isa ka komunidad nga nagahatag sang pantay nga oportunidad, pagrespeto, kag pag-angkon sang kinamatarung para sa tanan, labi na gid sa mga Persons with Disabilities.