Pormal na nga ginbuksan ang Peryahan sa Sara 2023 sang Hunyo 5, 2023, alas-syete sang gab-e sa Brgy. Apologista, Sara, Iloilo.
Madamo nga mga Saranhon kag mga taga kaingod nga banwa ang nagkari agud masaksihan ang ribbon cutting, malip-ot nga programa, pagbukas sang mga hampang sa perya, food kiosk, peryahan rides, mga baligya, banda, kag fireworks display.
Suno sa mensahe ni Mayor Aying, una pa lamang ini nga aktibidad nga kabahin sa Sulay Basya Festival kay sa sunod nga mga inadlaw madamo pa gid sang mga aktibidad ang banwa nga pakigbahinan sang mga Saranhon.
Ang LGU-Sara nagapasalamat man sa kay Madam Thelma Zerrudo, sa pagpasugot nga magamit naton ang iya pribado nga duta para sa pwesto sang Peryahan sa Sara.
Gane, mapaulihi ka pa bala? Magkari na sa Peryahan sa Sara kag mag-sinadya.
