Ginhiwat ang Narcotics Detection Dog Demonstration sa banwa sang Sara bilang kabahin sang panikasog sang Philippine National Police (PNP), Philippine Drug Enforcement Agency (PDEA) kag Local Government Unit (LGU) sa pagpalig-on sang kampanya batok sa ilegal nga droga, Setyembre 7, 2026.
Ginpakita sa demonstrasyon ang abilidad sang trained narcotics detection dogs nga sanday NDD Spike kag NDD 69, upod ang ila mga handlers, sa pag-detect sang posible nga presensya sang ilegal nga droga.
Ginpakita ang nagkalain-lain nga simulation pareho sang luggage search, cargo search, motorcycle search, kag vehicle search. Ini nagpakita sang importante nga papel sang K9 teams sa pagsuporta sa mga operasyon sang kapulisan kag pagpalig-on sang anti-illegal drug efforts.
Ang aktibidad kabahin sang Narcotics Detection Dog and Handler’s Course (NDDHC), isa ka intensive training program para mapauswag ang kaalam kag abilidad sang mga handlers kag ila mga canine partners sa detection sang ilegal nga droga.
Nagapasalamat man ang LGU-Sara kag PNP-Sara sa mga katapo sang Philippine Drug Enforcement Agency nga isa sa nagpatigayon sini.
