Ginpakigbahinan sang mga atleta nga kabataan nga naga-edad 15 years old kag panubo ang ginhiwat nga Province of Iloilo Developmental League 2026 sa Ileco III Gymnasium, Sara, Iloilo.
Ini ginhiwat sa padayon nga suporta sa grassroots sports development kag pagpabakod sang talento sang mga pamatan-on sa larang sang sports.
Ang nasambit nga mga atleta naghalin sa tagsa ka banwa sang probinsya kag nagpakita sang ila dedikasyon, disiplina, kag abilidad sa isports nga basketball. Paagi sa sini nga tikang, ginahatagan sang oportunidad ang mga kabataan nga mapauswag pa ang ila talento kag mangin preparasyon man para sa mas mataas nga kompetisyon sa palaabuton.
Suno sa mga sports officials, daku ang papel sang sports sa paghulma sang disiplina kag liderato sang kabataan, kabangdanan nga padayon nga ginapalig-on sang probinsya ang mga programa para sa mga young athletes.
