Ginpatigayon sang LGU-Sara ang Meeting and Orientation of Scholarship Beneficiaries sang School Year 2026-2027 sang Hulyo 31, 2026.
Ini kabahin sang padayon nga suporta sang lokal nga panguluhan sa mga kabataan nga naga-eskwela kag nagatinguha nga malab-ot ang ila mga handum sa kabuhi.
Naghatag sang welcome remarks si Vice Mayor Hon. Ryan S. Zerrudo, samtang nagpaabot naman sang mensahe kag suporta si Municipal Mayor Hon. Jon N. Aying para sa mga scholarship beneficiaries.
Ginpatigayon man ang orientation parte sa Municipal Scholarship Program, nga ginpangunahan ni Hon. Joseph N. Aying, SB Chairman on Education. Samtang, ginhatagan sang kahigayunan ang mga scholars nga makapamangkot kag makakuha sang klaro nga sabat sa nagkalain-lain nga pamangkot parte sa programa paagi sa open forum.
Paagi sa sini nga inisyatibo, ginapakita sang LGU Sara ang iya padayon nga pagpalangga kag pagpamatuod nga ang edukasyon isa sa importante nga pundasyon sa pagpauswag sang kabuhi sang kabataan kag sang komunidad.
