Doble nga pagkilala ang nabaton sang mga representante sang Sara, Iloilo sa 2026 Gawad Saka Regional Awarding Ceremony nga ginpatigayon sang Oktubre 5, 2026 sa JR Hall, Diversion 21 Hotel, Mandurriao, Iloilo City.
Ang SERRUCO Irrigators’ Association, Inc. ginpasidunggan paagi sa Gawad Saka Award of Recognition bilang isa ka outstanding organization sa sektor sang irigasyon kag agrikultura. Lakip sa award ang Php 500,000 nga cash prize, nga gin-release paagi sa tseke nga gin-address sa asosasyon.
Dugang pa sini, gin-recognize man ang assisting technician nga si Sir Jennel C. Lanciola, nga nagbulig kag nagsuporta sa awardee sa pagpatuman sang mga programa kag aktibidad nga may kaangtanan sa irigasyon kag rice production. Ginamitlang o ginahambal sang plaque of recognition ang pagpasalamat sang Department of Agriculture–Western Visayas sa iya kontribusyon sa Gawad Saka achievement.
Ang duha ka pag pasidungog nagapakita kag nagapamatuod sang pagbinuligay sang SERRUCO Irrigators’ Association kag sang technical support personnel sang LGU-Sara sa pagpauswag sang sistema sang irigasyon kag pagbulig sa mga mangunguma.
