Nagpakita sang talento, disiplina kag espiritu sang pagbinuligay ang nagkalain-lain nga mga koponan nga nagtambong sa Softball Tournament nga ginhiwat sang Hunyo 20, 2026 sa Banwa sang Sara bilang kabahin sang pagsaulog sang ika-25 nga Sulay Basya Festival.
Ginpartisiparan ini sang mga manughampang gikan sa nagkalain-lain nga banwa sang probinsya.
Pagkatapos sang manami nga bakbakan sa sulod sang torneyo, gin-angkon sang Banwa sang Lemery ang kampeonato matapos nila mapakita ang mabakod nga depensa kag episyente nga opensa sa ila mga duwa. Nakuha naman sang Banwa sang Balasan ang titulo bilang 1st Runner-Up, samtang nag-angkon sang 2nd Runner-Up ang Banwa sang Barotac Viejo. Ang host municipality nga Sara naman ang nagkuha sang 3rd Runner-Up.
Ang nasambit nga torneyo isa lamang sa mga aktibidad nga ginpasundayag sa tion sang Sulay Basya Festival agud mapalapnag ang sportsmanship, pag-ugyon kag pagkakaisa sang mga pumuluyo sang nagkalain-lain nga komunidad.
Padayon nga ginapakita sang Sulay Basya Festival nga indi lamang ini selebrasyon sang kultura kag tradisyon kundi isa man ka entablado para sa pagpalambo sang isports kag talento sang mga manug-atleta sa rehiyon.
