Matinlo nga nagtapos ang Sulay Basya Cup 2026: 30 Under Inter-Barangay Basketball Tournament matapos ang pila ka semana sang matinir nga kompetisyon, makusog nga pagbinatoay sa sulod sang court, kag pagpakita sang talento sang mga kabataang sa isport nga basketball sang banwa sang Sara.
Nag-angkon sang kampeonato ang Barangay Poblacion Ilawod matapos ang ila maayo nga performance sa bug-os nga torneo. Nagkuha naman sang 1st Runner-Up ang Barangay Poblacion Ilaya, samtang nag-angkon sang 2nd Runner-Up ang Barangay Anoring, kag 3rd Runner-Up ang Barangay Salcedo.
Sa tagsa ka hampang, ginpakita sang mga atleta ang ila kusog, disiplina, determinasyon, kag maayo nga sportsmanship nga naghatag sang dugang nga kabuhi kag inspirasyon sa sini nga bahin sang 25th Sulay Basya Festival. Ang torneo nangin plataporma man para mapalapnag ang pag-ugyon, pagpakigbahin, kag pagpalig-on sang relasyon sang nagkalainlain nga barangay pinaagi sa sports.
Ginkilala man ang daku nga bulig sang mga coaches, team officials, supporters, kag mga organisador nga nangin kabahin sang madinalag-on nga kompetisyon.
Ang Awarding Ceremony kag Players’ Night pagahiwaton sa Hunyo 21, 2026 (Domingo) sa Sara Activity Center, bilang pagkilala sa mga nagdaog kag sa tanan nga nangin kabahin sang sini nga makasaysayan nga torneo.
Congratulations!
