Nag-courtesy visit kay Municipal Mayor Jon N. Aying ang mga atleta sang Municipality of Sara nga nagdaog sa Table Tennis matapos ang ila madinalag-on nga pagpakigbahin sa CDSA Meet 2026 nga ginpatigayon sa Banwa sang Lemery, Iloilo.
Sa ila pagbisita, ginpaabot sang mga atleta ang ila kalipay kag pasalamat sa suporta sang Local Government Unit of Sara sa mga Saranhon nga atleta nga nagrepresentar sa banwa sa nagkalain-lain nga sports competition.
Ginpaabot naman ni Mayor Aying ang iya pagkilala kag pagpasalamat sa mga atleta bangud sang ila pagpaninguha, disiplina kag determinasyon sa pagdala sang dungog sa Municipality of Sara.
Padayon, mga Saranhon athletes! Dal-a ang ngalan sang Sara nga may garbo kag dedikasyon.
