Gintambongan sang mga empleyado kag opisyales sang Local Government Unit-Sara ang Traditional Monday Flag Raising Ceremony sini nga una nga Lunes sang Agosto 3, 2026, bilang pagpadayon sang ila pagpakita sang patriotismo, disiplina, kag pagkahiusa sa pagserbisyo sa publiko.
Kabahin man sang programa ang pagpaambit sang Food for Thought nga nakasentro sa tema nga “Perseverance” ukon pagkamainantuson kag pagpadayon bisan pa may mga kabudlayan.
Ginapahanumdom nga ang perseverance isa ka importante nga kalidad sa pagserbisyo, governance, kag leadership. Ang pagpadayon sa maayo nga serbisyo kinahanglan updan sang goodwill, positibo nga attitude, kag self-control, labi na sa pag-atubang sang mga pagsulay kag responsibilidad.
Sa mensahe ni Mayor Jon N. Aying, gin-emphasize nga ang perseverance nagakinahanglan sang self-control kag mahimo man ini nga mangin porma sang endurance—ang abilidad nga magpadayon kag magpabilin nga mabakod bisan pa sa mga kabudlayan.
Ang seremonya nangin isa naman ka pahinumdom sa tanan nga empleyado sang LGU-Sara nga ang matuod nga serbisyo publiko nagakinahanglan indi lamang sang kahibalo kag abilidad, kundi pagkamainantuson, maayo nga pamatasan, kag padayon nga dedikasyon sa katawhan.
