Ginpatigayon sang Lokal nga Panguluhan sang Sara ang regular nga Traditional Monday Flag Raising Ceremony subong nga Lunes, Hulyo 27, 2026, nga gintambungan sang mga opisyal kag empleyado sang LGU Sara.
Sa mansahe ni Mayor Jon N. Aying ang importansya sang self-control ukon pagpugong sa kaugalingon isa ka importante nga kinaiya sang isa ka responsable nga empleyado kag lider. Suno sa alkalde, ang disiplina kag pag-control sa kaugalingon nagabulig agud malikawan ang pag-obra sang indi gaka dapat kag makahimo sang husto nga desisyon para sa kaayuhan sang tanan.
“Mas maayo ang imo kabuhi kaysa sa iban kun ikaw may self-control kag self-discipline,” pahayag ni Mayor Aying, nga nagdasig sa tanan nga himuon ini nga giya sa ila adlaw-adlaw nga pagpangabuhi kag pag-alagad sa publiko.
Sa amo man nga tion, ginhatagan sang pagkilala ang mga benepisyaryo sang Sustainable Livelihood Program (SLP) bilang pagpasalamat sa ila pagpaninguha kag aktibo nga partisipasyon sa mga programa sang gobyerno.
Isa man sa mga tampok sang programa ang pagpakilala kay Sara Municipal Police Station OIC Chief of Police PMAJ John Salvador Bello, nga mangin kabahin sang padayon nga paninguha para sa malinong, luwas, kag organisado nga komunidad.
