Isa ka masadya nga adlaw ang Mayo 10, 2023 sa mga Saranhon. Ini matapos nga naghiwat sang Family Day ang mga miyembro sang Pantawid Pamilyang Pilipino Program (4P’s) nga ginpasakupan sang magpamilya.
Nag-umpisa ang programa sa isa ka Family Fun Run nga ginpakigbahinan sang ginatos ka mga pamilya. Ginsundan ini sang Family Fun Games (Laro ng Lahi), Pasundayag Dance Contest, Team Family Booth, Raffle, Family Lunch, Search for Pantawid Pamilya Exemplary Child 2023, kag pag-announce sang mga winners sa nagkalain-lain nga aktibidad.
“Kasadya sa amon nga makaselebrar kami sini sa aton banwa kaupod ang amon pamilya kag fellow 4P’s members…”, santu sa panaysayon sang isa ka miyembro sang 4P’s.
Nangin madinalag-on ang programa paagi sa pag-organisa ni Ms. Aries L. Taasan, RSW (Acting-MSWDO) kag iya mga staffs.
Ang nasambit nga programa gintambongan sang mga halangdon nga bisita nga nagikan sa nagkalain-lain nga banwa sang Iloilo; Maxina Jessica E. Famatid (MRB-Pavia), Pauline Therese Jance Lera-og (MRB-Barotac Nuevo), Alma Mae F. Cabada (MRV Dumangas), Efrain Mendoza (GRS-Focal), Jazmine A. Moreno (SWO II-Iloilo City), kag Winston Octaviano (Monitoring PDO).
