Bilang kabahin sang pagsaulog sang ika-25 nga Sulay Basya Festival, madinalag-on nga ginhiwat ang Motorshow For A Cause nga gin-organisar sanday Mr. Jay Mojeco kag Mrs. Mary Grace Mojeco, Hunyo 20, 2026.
May kabug-usan nga 74 ka entries nga nagpartisipar sa motorshow, nga gin-updan sang mga motorcycle enthusiasts gikan sa Antique, Guimaras, Capiz, Iloilo City kag Iloilo Province.
Luwas sa pagpasundayag sang mga de-kalidad nga salakyan, ang kalihukan may katuyuan man nga magbulig sa benepisyaryo nga pamilya ni Jericho “Eco” Dela Cruz. Suno sa mga organizers, 50 porsyento sang income gikan sa entrance fee ang ihatag sa iya pamilya bilang suporta sa ila panginahanglan.
Nagpakita ang programa sang espiritu sang pagbinuligay kag paghiliusa nga isa sa mga ginapadayon nga mga handum sang Sulay Basya Festival.
