Ginpasiga na ang dugang nga kwarenta (40) ka mga streetlights halin sa Brgy. Anoring-Sara District Hospital kag Poblacion-Brgy. Aspera. Ini nga proyekto nagabalor sa tres milyones (Php 3,000, 000. 00) halin sa aton 20% Development Fund.

Ini dugang nga kasanag sa mga nauna na nga streetlights nga gintukod halin sa Caltex, NISU-Sara, Poblacion Ilawod, kag Sara Wet Market road. Sa kabilogan, masobra na sa isa ka gatos ka mga streetlights ang nagahatag kasanag sa banwa sang Sara sa kagab-ehon kag ini pagadugangan pa gid sang LGU-Sara sa pagpanguna kanday Mayor Jon Aying kag Vice Mayor Ryan Zerrudo.

Paagi sa pag-istalar sang mga streetlights, mangin matawhay na ang pagbyahe sang mga motorista sa aton banwa kag wala na sang kakulba ang mga naga-lakat naton nga kasimanwa tungod masanag na ang mga dalanon.

Ang kasanag nagakahulugan sang pag-uswag kag masanag nga bwas-damlag sang isa ka banwa. Padayon ang paghatag sang serbisyo nga may gugma sa banwa sang Sara.

SARA GUGMA KO!