Matapos magpaidalom sa 30 ka adlaw nga confinement sa “Balay Silangan” sang mga 23 ka surrenderees, nag-graduation rites na sila sang Marso 20, 2023.
Nagbuligay sa ining programa ang PDEA-Region 6, BJMP-Region 6, LGU-Sara, PNP-Sara, IPPO, Religious Sector (MEAC), MSWDO, kag BFP-Sara.
Pagkatapos sang graduation rites may yara sa gihapon nga evaluation ukon “after care” para ma-monitor sa gihapon ang aton mga graduates sang sini nga buluhaton sa mga masunod nga inadlaw.
Ang mga candidates na-paidalom sa mga intervention, counseling, kag gin tudloan sang mga livelihood nga may tinutuyo nga magbulig sa mga drug surrenderees nga mangin isa ka produktibo sa kabuhi kag may kahadlok sa mga malain nga hilikuton diri sa aton kalibotan.
Para sa aton ihibalo, ang Balay Silangan Reformation Program isa ka community-based reformation program nga may tinutuyo nga mag rehabilita sa mga drug surrenderees sa isa ka pasilidad nga magserbe bilang ila temporaryo nga puloy-an nga suportado mismo sang LGU kag iban pa nga stakeholders.
Naga-pati kami nga ang tanan may kinamatarong nga magbag-o para sa ila ikaayo. Kaupod nyo ang LGU-Sara nga magtuytoy sa inyo sa dalan nga insakto, matinlo, matarong, kag hilway, indi lang kamo madulaan sang paglaum nga ang positibo nga pag-bag-o inyo gid mabaton.
Gin-akseptar nila ang ila mga kasaypanan… ginhinolsolan… nangayo sang pasaylo sa mga natungdan… kag nagpromisa nga indi na sila magliwat… kag mangabuhi sila sang matarong nga may pagpalangga sang ila pamilya, pagsunod sa kagustohan sang Dios kag kasuguan sang Gobyerno.
SARA GUGMA KO!
