Sa padayon nga pagbinuligay sang Department of Agriculture – PhilRice kag Municipal Department of Agriculture, mainuswagon nga napanghatag ang sobra 1,200 ka sako sang inbred seeds sa lima ka barangay sa banwa sang Sara — Brgy. Alibayog, Brgy. Apelo, Brgy. Arante, Brgy. Preciosa, kag Brgy. Villahermosa.
Ginpatigayon ang distribusyon sa Brgy. Arante bilang kabahin sang E-Binhi Padala Program sa idalom sang Rice Competitiveness Enhancement Fund (RCEF).
Pinaagi sini nga programa, ginabuligan ta ang aton mga mangunguma pinaagi sa paghatag sang dekalidad nga binhi sang humay agud mapataas ang ila produksyon kag mapalapnag ang mas maayo nga pangabuhi sang tagsa ka pamilya nga nagapanguma.
Nagapadayon man ang suporta sang gobyerno sa sektor sang agrikultura agud mapabakod ang seguridad sa pagkaon kag mapauswag ang pangabuhi sang aton mga mangunguma sa aton komunidad.
